உங்கள் பென்டிரைவ் காப்பியாக நீண்ட நேரம் எடுத்துக் கொள்கிறதா !! அதை தடுக்க சில வழிகள் !!

பென்டிரைவ் என்பது தற்போது கணினி பயன்படுத்துபவர்களையும் தாண்டி, அனைவராலும் பயன்படுத்தப் படுகிறது.  சில சமயங்களில் கணினியில் பென்டிரைவ்களை இணைத்து தரவுகளை பரிமாற்றம் செய்யும்போது (தகவல்களை காபி செய்யும்போது) நீண்ட நேரம் எடுத்துக்கொள்ளும். இதனால் நமக்கு நேரம் விரயமாவதுடன், கோவமும் வரும்.  இந்தகைய சூழ்நிலைகளை தவிர்ப்பது எப்படி? கணினியில் இருந்து டேட்டாக்களை விரைவாக பென்டிரைவுக்கு காபி செய்ய என்ன செய்ய வேண்டும் என்று இங்கு காண்போம்.  பென்டிரைவை உங்கள் கணினியில் இணைத்து. MY COMPUTER-க்கு செல்லவும்.  அங்கு பென்டிரைவிற்கான டிரைவை வலது கிளிக் செய்து properties என்பதைத் தேர்ந்தெடுக்கவும். தொடர்ந்து திறக்கும் விண்டோவில் HARDWARE என்னும் டேபை கிளிக் செய்யவும். பிறகு Name என்னும் தலைப்பின் கீழுள்ள உங்கள் பென்டிரைவைத் தேர்ந்தெடுக்கவும். பிறகு கீழிருக்கும் Properties என்பதை கிளிக் செய்து Ok கொடுக்கவும். அடுத்து தோன்றும் விண்டோவில் change settings என்பதை கிளிக் செய்யவும். அதற்கு அடுத்துத் தோன்றும் பெட்டியில் Policies எனும் டேபிள் கிளிக் செய்து அதன் கீழிருக்கும் Better Performance என்பதைத் தேர்ந்தெடுத்து OK கொடுக்கவும். இப்போது உங்கள் பென்டிரைவ் முன்பைக் காட்டிலும் வேகமாக இயங்கும்.  மறக்காமல் ஒவ்வொரு முறையும் பென்டிரைவை கணினியிலிருந்து நீக்கும்போது Safely remove hardware என்பதைக் கிளிக்செய்து பின்பு உங்கள் பென் டிரைவை கணினியிலிருந்து நீக்கவும்.  இதை ஒரு தொடர் பழக்கமாக மாற்றிக்கொள்ளுங்கள்.  இதனால் உங்கள் பென்டிரைவ் சேதமடையாமல் நீண்ட காலம் உங்களுக்கு பயன்படும்.